მოგეხსენებათ, საქართველოს წიგნის გამომცემელთა და გამავრცელებელთა ასოციაციის მიერ მონიჭებულ, ექსკლუზიური მიმომხილველის საპატიო სტატუსს დიდი პასუხისმგებლობით ვეკიდები და 26 მაისის შემდეგ თბილისის წიგნის ფესტივალზე ვარ ორიენტირებული, მაგრამ დღეს ცოტა შემაგვიანდა პავილიონში მისვლა, თუმცა თსუ-ს გამომცემლობის პრეზენტაციას მაინც მივუსწარი და ნუგზარ წიკლაურს, რომელსაც წიგნებზე საუბარი აშკარად პოლიტიკურ დებატებზე უკეთ გამოსდის, აქაქანებულმა გადავუღე რამდენიმე სურათი.
Posts Tagged ‘Guardian’
წიგნის ფესტივალი. დღე მესამე
Posted in თბილისის წიგნის საერთაშორისო ფესტივალი, tagged ანა კორძაია-სამადაშვილი, ახალი არხი, ბაკურ სულაკაურის გამომცემლობა, გამომცემლობები და წიგნის მაღაზიები, ენ ბრაშერესი, ზებრა გრუპი, თანამედროვე ქართული ლიტერატურა, თბილისის წიგნის საერთაშორისო ფესტივალი, თსუ-ს გამომცემლობა, ინტელექტი, ლაშა ბუღაძე, ლიბიკა სილვესტრისი, ლოგოს პრესი, ნატო დავითაშვილი, ნისლებში და ნისლებს მიღმა, ნუგზარ წიკლაური, პალიტრა L, საბავშვო ლიტერატურა, ფანტასტიკა, ფენტეზი, ქართული თარგმანი, ქართული პროზა, წიგნის გამომცემელთა და გამავრცელებელთა ასოციაცია, Guardian on მაისი 29, 2011| 78 Comments »
“წიგნის კითხვა მათემატიკურ ამოცანას ჰგავს – კითხულობ, ხსნი და ბოლოს ან იღებ სწორ პასუხს, ან ვერა…”
Posted in თბილისის წიგნის საერთაშორისო ფესტივალი, tagged 99 ფრანკი, ბიბლუსი, გამომცემლობები და წიგნის მაღაზიები, გიყვარდეთ ჩემნაირები!, ვასასი, თამარ კარელიძე, თბილისის წიგნის საერთაშორისო ფესტივალი, ლილე იროელი, მილანი, მიშელ უელბეკი, ნატო დავითაშვილი, ნისლებში და ნისლებს მიღმა, ნიცშე, ორჰან ფამუქი, ფრედერიკ ბეგბედერი, წიგნების გამოფენა-გაყიდვა, BBC, Guardian, The Beatles on მაისი 22, 2011| 65 Comments »
წიგნის ფესტივალის გახსნამდე, მოგეხსენებათ, თითზე ჩამოსათვლელი დღეებია დარჩენილი და, სანამ უშუალოდ მოვლენების ეპიცენტრიდან დავიწყებდე ინფორმაციის მოწოდებას, გადავწყვიტე, ბიბლიოფილებისათვის, რომლებიც ღონისძიების დაწყებას სულმოუთქმელად ელიან, კიდევ ერთი ინტერვიუ შემეთავაზებინა. რესპოდენტის როლისათვის ამჯერადაც მკითხველი და ფრიად წარმატებული ბლოგერი – ჩვენი ძვირფასი ვასასი შევარჩიე, რომელმაც არ დაიზარა და ჩემს გაგზავნილ კითხვებს ძალიან ხალისიანი, ცოცხალი და გემრიელი პასუხები მოაყოლა. ერთი სიტყვით, ინტერვიუ შედგა და, დარწმუნებული ვარ, ვასასის აზრებს მკითხველი დიდი ინტერესით გაეცნობა.
არ მეგულება ქართულ ბლოგოსფეროში ადამიანი, თამარ კარელიძის – ვასასის შესახებ არ გაეგოს და “მილანის” წითელი ეშმაკუნათი დამშვენებული ერთი პოსტი მაინც არ წაეკითხოს. მიუხედავად ამისა ან იქნებ, სწორედ ამიტომ, კარგი იქნება, ორიოდე სიტყვით საკუთარ თავზე თუ გვიამბობ…
საკუთარ თავზე საუბარი ყოველთვის მიჭირს. სულ შორიდან დავიწყო? დავიბადე თბილისში, გავიზარდე გორში. ვერ ვიტან, როცა მეკითხებიან, შიგ გორში ვცხოვრობ თუ?.. პროფესიით ჟურნალისტი ვარ, მაგრამ ყოველთვის მრცხვენია, საკუთარ თავს ასე ვუწოდო იმიტომ, რომ მიმაჩნია, ჟურნალისტობამდე ძალიან ბევრი მიკლია და ბედნიერი ვიქნები, თუ 30 წლის ასაკში მაინც არ შემრცხვება იმის თქმის, რომ ჟურნალისტი ვარ. მიყვარს „ბითლზი“, როკენროლი, ვეწევი ჯანსაღი ცხოვრების წესს (არა ალკოჰოლს და სიგარეტს), ყოველთვის მრცხვენია, როცა მაქებენ და მიმაჩნია, რომ კრიტიკა ყველაზე მაგარი რამ არის ქვეყანაზე. კიდევ ბევრის მოყოლა შემიძლია (ალბათ), მაგრამ შენი ბლოგის გვერდს გავუფრთხილდები. :)